Здраво машко дете е првото новороденче во Новата 2023 година. Новороденчето, денес, го посетив и традиционално го дарував со пригодни подароци, напиша на својот ФБ профил градоначалникот Кирил Пецаков.
Во објавата градоначалникот додава:
Упатувам честитки до семејството за нивната принова и им посакувам да бидат здрави, среќни и успешни, а новороденчето да израсне во среќен и успешен човек. Упатувам честитки и до лекарскиот тим задолжен за породувањето, доктор Орхидеја Филева и дежурната екипа Валдете Мустафа, Валентина Тодороска, Милена Типовска, Елица Николеска и Васка Дојчиноска и до целиот медицински персонал.
Новороденото дете е тешко 3 килограми и 450 грама и долго 53 сантиметри. Породувањето било синоќа во 20 и 55 минути. Бебето и мајката се во добра состојба.
извор: ФБ Кирил Пецаков