Во Тетово и во Гостивар стапуваат на сила препораките и мерките во случај на надминат праг на загадување откако денеска е измерено алармантно загадување.
Надминат е прагот за алармирање за присуство на суспендирани честички со големина до 10 микрометри (надминување на вредноста од 150 мg/m3 во текот на два последователни денови) на мерните места во Тетово и во Гостивар.
Во табелата се прикажани среднодневните концентрации на PM10 на мерните места каде има појава на надминување на прагот на алармирање.
Министерството за животна средина и просторно планирање доставило информација за надминување на прагот на алармирање до Министерство за здравство, Министерство за труд и социјална политика, Државниот инспекторат за животна средина, Управата за животна средина, Сектор за комуникација со јавноста во МЖСПП, Институтот за јавно здравје и до општините Тетово и Гостивар.