Јахтата што беше специјално дизајнирана во Данска на барање на соборениот ирачки лидер Садам Хусеин, денес се користи како центар за истражување на морските науки во Басра, каде што е вкотвена, објави Агенција Анадолија (АА).
Изградбата на јахтата, на која Садам Хусеин никогаш не стапнал и покрај тоа што го добила неговото име, започнала во Данска во 1980 година, а била завршена една година подоцна.
Посебната јахта не можеше да биде донесена во Ирак поради 8-годишната ирачко-иранска војна, а потоа и војната во Заливот. Подоцна, Садам Хусеин ја подари јахтата на тогашниот крал на Саудиска Арабија, Фахд бин Абдулазиз ал Сауд.
Гламурозната јахта тогаш го добила името „Кадисије“, а сега е позната како „Басра бриз“.
Јахтата е опремена со многу вреден мебел, а се состои од 18 соби на 4 ката. Долга е 82 метри, а имаше дури и фризерски салон, дел за хемиско чистење и соба за прва помош.
Садам Хусеин никогаш не успеал да ја донесе јахтата во Ирак.
Текстот во целост на: Агенција Анадолија (АА).
фото:Муртада Ал-Судани Агенција Анадолија (АА).
