Во однос на мотивите на лажните дојави за бомби кои траат со месеци, Марјан Богдановски, универзитетски професор, за СТУДИО 10 на ТВ 24. вели дека целта е нарушување на целокупниот живот во земјата, појава на деструкција оти постои постојана напнатост, предизвикување страв, вознемиреност и недоверба кон институциите, а ако ова трае подолго таа недоверба и нервоза ќе расте.
-Немам опипливи информации за да можам да знам, дури ни интуитивно, кој би можел да стои зад ова. Но знам дека ова не е детска игра туку се обучени хакери инструирани од центри коишто ја туркаат идејата Македонија да биде вознемирена, односно центри на хибридни напади. Ова не е игра, не се чекори на поединци, вели Богдановски.
Тој додава дека ова ние не можеме сами да го решиме без странска помош.
Богдановски вели дека е нужно полицијата да постапува по секоја дојава за бомба оти не можеме да сметаме дека сите дојави ќе бидат лажни, вели Богдановски и појаснува дека е сосема возможно сценарио во екстремен случај да биде врбуван човек од внатре во институцијата каде што има дојава за бомба и да биде поставена бомба.
-Секојаш постои можност некоја закана да биде реална. Тоа не можеме да го предвидиме. Но, неопходно е ова да заврши час поскоро. Ние сме членка на НАТО, ставени сме на тест, граѓаните се вознемирени, а имаме од кого да побараме помош, вели Богдановски.
извор: ТВ 24
