Мета, сопственик на Фејсбук, Инстаграм и Ватсап, објави дека планира да отпушти 10.000 работници. Тоа ќе биде втор бран масовни отпуштања од технолошкиот гигант, кој отпушти 11.000 вработени во ноември минатата година.
Извршниот директор на Мета, Марк Закерберг, рече дека новите намалувања ќе бидат „тешки“. Заедно со укинувањето на 10.000 работни места, непополнети ќе останат и 5.000 слободни работни места во компанијата, додаде тој. Во меморандумот што Цукерберг го испрати до вработените, тој рече дека верува оти компанијата претрпе „понизно будење“ во 2022 година, кога доживеа драматично забавување на приходите, јавува Би-Би-Си.
Мета претходно објави дека во трите месеци до декември 2022 година, заработката паднала за 4% на годишно ниво, иако сепак успеала да оствари профит од повеќе од 23 милијарди долари во текот на 2022 година. Закерберг ги наведе повисоките каматни стапки во САД како причини -, глобална геополитичка нестабилност и зголемена регулатива.
„Мислам дека треба да се подготвиме за можноста оваа нова економска реалност да продолжи уште многу години“, рече тој.
index.hr
