Најмалиот автомобил на светот повторно е во продажба

0
183

Се нуди во неколку верзии, вклучувајќи ја и опцијата сами да го склопите.

 

Peel P50 е екстремен микроавтомобил со кој се запозна пошироката јавност кога се појави во една епизода на „стариот“ Top Gear. Џереми Кларксон остана маѓепсан од малиот автомобил со кој се возеше до просториите на Би-Би-Си.

 

Само 137 cm долг и 99 cm широк, автомобилот нема конкуренција по димензии. Потекната како идеја за најмало можно моторизирано возило што може да носи едно лице и една торба, не беше маркетиншки успех. Изработени се само 47 примероци, а се вели дека само 30 преживеале до денес.

На почетокот на минатата деценија, проектот на овој мал автомобил беше оживеан, а компанијата почна да нуди рачно изработени копии. Pendine Motors нуди три модели, класичниот P50 (означен P.50), кабриолет со ограничена серија и навистина специјалниот Trident.

Сепак, само оригиналниот P50 се нуди и како комплет автомобил со мотор од 2 kW и батерија која обезбедува опсег од 80 km. Доколку ве интересира ваква „направи сам“ понуда, знајте дека цената во овој случај започнува од 10.379 фунти, односно 11.700 евра. Не е малку, но дефинитивно е интересна идеја.

За склопување на возилото потребни се основни алатки и не повеќе од 50 часа работа. Доколку сакате готов автомобил, цената е значително повисока, на ниво од околу 15.700 евра.

 

Има и Turbo верзија со помоќен погон од 5,76 kW што ја зголемува максималната брзина од 50 на 80 km/h. Има и верзии со бензински мотор со волумен од 49 до 125 кубика. Целата понуда можете да ја најдете овде.

 

Оригиналната верзија беше придвижувана од 1-цилиндричен мотор од 50cc на DKW. Моторот беше поврзан со 3-брзински менувач, но немаше рикверц, така што единствениот начин да се сврти автомобилот беше да се излезе, да се подигне задниот дел и да се сврти. Сите копии беа наменети за жителите на Островот Ман.

 

index.hr