По 3 000 денари за сестрите, а по 2 000 денари за сите други вработени во здравството

0
107

Синдикатите од здравство, кои неколку часа пред најавениот протест беа на средба во Министерството за здравство, постигнаа договор.

– Се договоривме. По три илјади денари за сите сестри и по две илјади денари за помошно-техничкиот персонал, администрација, доктори, сите вработени во здравството да имаат бруто-покачување со мартовската плата – изјави Предраг Серафимовски, потпретседател на Синдикатот на Клинички центар по состанокот со заменик-министерката за здравство и шефот на Кабинет на министерот за здравство.
Серафимовски рече дека и од Министерството за здравство треба да излезат и да ги потврдат овој договор.
Претседателот на Самостојниот синдикат за здравство, фармација и социјална заштита, Љубиша Каранфиловски, рече дека со притисок се успеало да се дојде до изнудување на потпишување на анексот на Колективниот договор за здравствена дејност. Тој нагласи дека со неговото непотпишување 11 илјади вработени во здравството би биле изедначени со минималната плата.
– Очекуваме денешниот договор во најкраток период, во текот на наредната недела, да биде официјализиран со потпишување – рече Каранфиловски.
fakulteti.mk