Си-Ен-Ен неодамна објави листа на најдобрите нудистички плажи во светот, а на листата се најде и нудистичка плажа од Јадранско приморје.
Плажата Нугал се наоѓа во непосредна близина на една од омилените летни дестинации на многумина од регионот, поточно Макарска.
Во 2019 година, оваа плажа беше прогласена за трета најубава во Европа според списанието European Best Destination.
„Окружена со стрмни карпи и засенчена со борова шума, до оваа оддалечена плажа на копното спроти островот Брач се стигнува по тесна патека што изгледа како да е направена за кози, а не за луѓе кои бараат бегство без кошула до Јадранот“, опишаа.
Препорачаа да понесете подебел пешкир или лежалка на плажата, бидејќи е плажа со камчиња. Наведоа дека помеѓу Макарска и Тучеп се наоѓа плажата Нугал до која се стигнува пеш, со брод или кајак.
Покрај плажата Нугал во Хрватска, на листата се и нудистичките плажи од Уругвај, Шпанија, Грција, Калифорнија, Германија, Канада, Нов Зеланд, Австралија, Литванија, Хаваи, Франција, Јужна Африка, Мексико, Израел, Бразил, Италија и Флорида.
republika.mk
