Познатиот манастир Свето Преображение кај Крушево кое посебно се издигна по засуга на големиот Тоше Проески наскоро го добива својот целосен манастирски сјај.
Манастирот на 24 септември оваа година ќе биде осветен, а на Фејсбук страницата манастир Св. Преображение – Крушево објавени се и фотографии на кои се гледа новиот фрескоживопис во манастирот.
На социјалните мрежи има и соопштение од страна на Митрополијата крушевска и демирхисарска во кое се вели следново:
Манастирскиот храм во Манастирот Свето Преображение Господово во Крушево, со Божјата помош и благодат, после долги години на градба ја достигна состојбата да биде осветен. Најзаслужно име за подигањето на целиот манастирски комплекс е името на покојниот Тоше Проески. Осветувањето на манастирската црква благоволи да го изврши Неговото Блаженство, Архиепископот охридски и македонски г.г. Стефан на 24 септември оваа година, во сослужение на повеќе Архиереи на Македонската Православна Црква – Охридска Архиепископија, пишува во соопштението на Фејсбук објавено од страна на Митрополијата крушевска и демирхисарска.
glamur.mk
