Од 923.487 произведени примероци на „Фиќо“ – возилото симбол на Југославија во текот на 30 години, само едно доживеа почесен круг на славниот Нирбургринг.
Моментално се одбележуваат 68 години од производството на првиот примерот на Фиќо или „Застава 750“.
Култниот автомобил за Југословените се произведуваше до 18 ноември 1985 година, достигна тираж од речиси милион и неколку различни верзии, но и покрај модернизацијата, ја задржа препознатливата и пред се убавиот изглед.
Лиценцираниот „Фиат 600“ беше најомилениот автомобил во екс Југославија, а тоа беше колата со кој многумина го започнаа својот живот на четири тркала.
Фиќото и денес има многу обожаватели, а меѓу нив е и младата брачна двојка од Белград, Јована и Марко, кои во својата колекција имаат и интересен Фиќо.
Станува збор за „Застава 750 СЦ“ од 1978 година, а ќе остане запаметен по тоа што го посети и Нирбургринг за време на своето патување низ Европа.
„Прво, патувањето до Нирбургринг. беше идеја за меден месец на мојот сопруг Марко, а како дел од нашето патување низ Европа со нашите автомобили. Планиравме да ги посетиме најголемите европски градови на пат кон Германија, но и да сториме се славното Фиќо да влезе на списокот на легендарни автомобили кои возеле кругови на оваа патека“, истакнала Јована.
На ова патување Фиќото на Јована го придружуваше уште една кола легенда. Тоа беше „Опел Калибра В6“ на Марко произведен во 1992 година, еден од најатрактивните и најценетите Опели во поновата историја на марката.
Фиќото на Јована беше на сервис ден пред патувањето при што му беше сменето масло и ставени четири нови гуми Тигар.
Резервните делови поради можни дефекти беа ставени во куфер на покривот на автомобилот.
Патување од над 2.000 км ги доведе до бројни градови.
На патувањето Јована и Марко со своите автомобили ги посетија Будимпешта, Прага, Франкфурт, се разбира Нирбург и дури на север до Хамбург и Либек. Посетуваа и безброј места, а Фиќото насекаде побудуваше голем интерес кај минувачите.
reporter.mk
