Мал авион се урна во вчера вечерта во морската област Малеме на северозападниот дел на Крит. Две лица, пилотот и еден патник се водат како исчезнати. Во тек е голема операција за пребарување и спасување.
Двомоторниот авион на аероклубот Ханија се урна во доцните попладневни часови, на помалку од една наутичка милја од брегот.
Според информациите, авионот од Копаида тргнал кон Ханија, за да учествува на демонстрациите организирани од Аероклубот од Ханија за време на викендот.
Како што соопшти крајбрежната стража, истрагата ја презеде Единствениот координативен центар за пребарување и спасување (ЕКСЕД). Во потрагата по исчезнатите се вклучил еден брод на крајбрежната стража, едно возило на крајбрежната стража, хеликоптер на морнарицата, два брода за крстарење и два рибарски брода, пишува Прототема.
Двајца членови на екипажот се извлечени во несвест од водата.
Тие веднаш се пренесени на брегот, од каде ќе бидат пренесени во болница.
Нивната состојба се уште не е позната.
Се уште не е познато како авионот завршил во морето.
Градоначалникот на Платанијас, Јанис Маландракис, за медиумите изјави дека авионот се урнал на растојание од околу половина наутичка милја од брегот на Малеме.
Околу 8 часот навечер спасувачите го лоцирале хеликоптерот. И пилотот и патникот, двајцата мажи, биле пронајдени мртви. Се верува дека не биле врзани.
Извлечените тела се пренесени во мртовечницата во Ханија, а обдукцијата ќе ги утврди точните причини за нивната смрт.
