Тие престојувале во шумата, поранешен дел од Источниот фронт, каде германските војници се предале во 1945 година.
На почетокот, ги гледаме како се движат низ шума со застрашувачки изглед и носат детектори за метал.
Во еден момент сигналот станал посилен, па решиле да ја ископаат земјата со раце. Под слојот кал пронашле една, а потоа и куп сребреници.
Монетите биле во одлична состојба и покрај тоа што лежеле во земја речиси 80 години, пренесува The Sun.
Во крупен кадар гледаме монета на која на предната страна е изгравиран портретот на Антанас Сметон, кој во два наврати бил претседател на Литванија.
На крајот извадиле 32 монети со различни гравури и гордо ги покажале на камерата.
Пронајдените скапоцености се ставени на аукција, а се верува дека можат да достигнат значителна цена.