Реката Дунав се излеа од своите корита во Будимпешта денес и го забележа највисокото ниво на вода во последната деценија, бидејќи обилните дождови и топењето на снегот, придружени со благото време, предизвикаа невообичаено рани зимски поплави.
Danube water level continues to rise in Budapest, roadway along both river banks completely submerged. Should peak around Sunday this weekend.
🙏🏼🌍🕊️ pic.twitter.com/vXp7svtDBB
— Tibor M. Kalman (@kalmantibs) December 27, 2023
Унгарската генерална дирекција за управување со водите објави дека Дунав во средата вечерта достигнал 6,93 метри, што е под 8,91 метар забележани во 2013 година, кога започнаа екстремни поплави во Централна Европа по обилните дождови на крајот на мај.
Иако овогодинешниот пораст на Дунав не предизвика големи штети во Будимпешта, експертите предупредија дека климатските промени би можеле да ги зачестат раните зимски поплави.
Генералниот директорат за водостопанство соопшти дека последен пат нивото на Дунав надминало шест метри во декември 1987 година, но тогаш не ги поплавил насипите.
-Големо количество врнежи се забележани во притоките на Дунав, а снегот се стопи поради благото, но влажно време, па поплавата дојде порано – се наведува во соопштението и се додава дека не се исклучува нова поплава напролет.
Луѓето во Будимпешта шетаа покрај реката на сонце, уживајќи во ретката глетка на бранови кои го обвиткуваат насипот под зградата на парламентот.
Фото:
