Актерот Кристијан Оливер, неговите две ќерки и пилотот загинаа во авионска несреќа во близина на остров во Карипското Море, соопшти полицијата на Сент Винсент и Гренадини.
Оливер, чие вистинско име е Кристијан Клепсер, имаше 51 година. Неговите ќерки Мадита Клепсер и Аник Клепсер имаа десет и 12 години. Во авионската несреќа загина и пилотот Роберт Сакс. Тие биле единствените патници во авионот.
Авионот имал еден мотор, а на лет за Света Луција се урнал вчера во близина на мал остров во близина на Гренадини.
Веднаш по полетувањето, авионот пријавил потешкотии, а потоа паднал во морето, соопшти полицијата. Спасувачките служби ги пронашле телата на сите патници, а тие се префрлени во Сент Винсент, каде ќе се утврдува точната причина за смртта, се додава.
Оливер неодамна глумеше во филмот „Индијана Џонс и бирачот на судбината“, а познат е и по улогата во филмот „Спид тркач“ (2008). Играше и во „Sense8“, „Inspector George Gently“, „The Baby-Sitters Club“ и „Saved by the Bell: The New Class“, пишуваат американските медиуми.
