Претседателот на Србија, Александар Вучиќ изјави дека во изминатите 100 дена од Германија во Србија се вратиле дури 1.264 лица, а од Швајцарија околу 590!
Тој за РТС изјави дека ќе биде неопходно Србија да увезе големо количество работна сила, бидејќи Србија како земја напредувала.
„Голем број луѓе ќе мора да бидат од странство, очекувам над 12.000 луѓе, барем толку, можеби и 20.000 луѓе да учествуваат во делата од различни земји. Досега најмногу сме имале од Индија и Турција, а ќе има и од Филипините, Бангладеш, од многу други земји. Ние ја немаме таа работна сила. Ова покажува дека како земја напредуваме, не можеме да успееме да направиме многу“, изјави Вучиќ за РТС, зборувајќи за ЕКСПО.
Според Вучиќ, нема доволно интерес на работниците во градежната индустрија и за келнерите во Србија.
На прашањето дали платите во Србија се конкурентни на оние во странство, Вучиќ изјави дека нема сомнеж оти платите се високи во најразвиените европски земји, но додаде дека таму има и високи трошоци, поради што, како што вели, голем број на граѓаните се одлучуваат за враќање во Србија.
„Во претходните 100 дена имавме 1.264 луѓе кои се вратија од Германија, ако не се лажам, околу 590 се вратија од Швајцарија“, нагласи Вучиќ.
Како што истакна претседателот на Србија, добрата вест е што оние со највисоко образование се враќаат од странство.
„За жал, најбавно се враќаат луѓето кои сега најмногу ни требаат, бравари, заварувачи, занаетчии, столари, месари. Заварувачите сега имаат најниска плата од 95.000 до 100.000 динари во Србија“, рече Вучиќ.
Вучиќ потсети дека најавената просечна плата за следната година треба да биде 955 евра.
„Брзо ќе дојдеме до просечна плата од 1.000 евра. Видов дека во декември просечната плата во Хрватска беше 1.150 или 1.190 евра. Нашата плата во декември според блиска проценка беше 830 и 840 евра. Не заборавајте, кога станав претседател на Владата, беше околу 330 евра, додека просечната плата во Хрватска беше над 800 евра“, објасни Вучиќ.
Блиц.рс