Во судир на два автобуса во централноамериканската држава Хондурас денес животот го загубија 19 лица, а 11 се повредени, пренесува Анадолу.
Несреќата се случила на автопатот Сан Хуан Опоа, во западниот дел на земјата, кога се судриле два автобуса.
Во несреќата животот го загубиле 19 лица, а 11-те повредени се префрлени во локалните болници.
Локалните медиуми објавија дека еден од автобусите превезувал мигранти без документи.
Во тек е истрага за несреќата.
Во меѓувреме, претседателката на Хондурас, Сиомара Кастро, им изрази сочувство на семејствата на загинатите во објава на социјалната мрежа Х.
извор: Анадолу.
фото: Анадолу.