МВР информира дека вчеравечер (9 март) во 22.30 часот било пријавено дека на автопатот Скопје-Тетово, кај Арнакија-скопско, се случила сообраќајна незгода помеѓу патничко возило „ауди а4“ со гостиварски регистарски ознаки, управувано од М.Д.(44) од Добри Дол и патничко возило „рено клио“ со гостиварски регистарски ознаки, управувано од Ф.А.Ф. на возраст од 46 години од Гостивар, при што возилото „рено клио“ се запалило.
„Во незгодата со телесни повреди се здобиле двајцата возачи, еден сопатник од возилото „ауди“ и три малолетни сопатнички од возилото „рено клио“ констатирани во Комплексот клиники „Мајка Тереза“ и Градската општа болница „8-ми Септември“.“, стои во соопштението.
Извршен бил увид од увидна екипа од СВР Скопје.
