Минималната плата за месец март која ќе биде исплатена во април ќе изнесува 22.567 денари во нето износ и ќе забележи пораст од 3.613 денари во бруто износ, односно 2.392 денари во нето износ во однос на минималната плата за 2023 година, утврдено е денеска, 22 март, на седницата на Економско социјалниот совет (ЕСС) која се одржа во Влада.
На денешната втората седница на ЕСС се разгледуваа повеќе точки меѓу кои и утврдувањето на висината на минималната плата
„По однос на минималната плата, согласно член 4 од Законот за минимална плата, висина на минимална плата во бруто износ за месец март секоја година се усогласува со: 50 отсто од порастот на просечно исплатената нето плата, за претходната година, според податоците на Државниот завод за статистика и 50 отсто од порастот на индексот на трошоците на живот, за претходната година, според податоците на Државниот завод за статистика“, соопштија од Министерството за труд и социјална политика (МТСП)
Одлуката за новото зголемување на минималната плата се уште не е влезена во Службен весник, а синдикалците очекуваат тоа да биде направено уште во понеделник.
