По пет години поминати заедно, Новак Ѓоковиќ и Горан Иванишевиќ решија да ја прекинат соработката пред Мастерсот во Монте Карло, каде српскиот тенисер ќе се обиде да ја освои титулата, но и да ја зголеми предноста на АТП листата.
Веста за раскинување на соработката дојде сосема ненадејно, поточно, ретко кој очекуваше ваков епилог, а целата ситуација ја објави и Новак Ѓоковиќ преку својот Инстаграм профил.
Таму закачи емотивна порака во која се прости од својот поранешен тренер.
– Јасно се сеќавам на моментот кога го поканив Горан да биде дел од мојот тим. Беше 2018 година и јас и Маријан (Вајда) сакавме да му донесеме некоја „сервисна магија“ на нашето дуо. И, всушност, не е само тоа што го донесовме сервисот, туку и многу смеење, забава, прво место на крајот на годината, многу рушење рекорди и уште 12 грен слем титули (не вклучувајќи го финалето) од тогаш. Спомнав и мала драма? NoleFam би го знаел тоа.
– Со Горан пред неколку дена решивме да ја прекинеме соработката. Нашата хемија на теренот имаше подеми и падови, но нашето пријателство беше секогаш силно. Всушност, со гордост можам да кажам (не сум сигурен дали и тој е) дека покрај тоа што заедно победуваме на турнири, имавме и споредна битка во Паркиси…со години. И тој турнир никогаш не завршува за нас. Шефе, ти благодарам за се мој пријателе, те сакам.
telegraf.rs
