Менаџерот Новак Радин е уапсен пред неколку дена во Белград под сомнение дека продавал кокаин, како и поради сомнение дека нелегално држел пиштол и муниција од различен калибар во куќата во која живее, пренесуваат српските медиуми, објави Канал 5.
Според нив, кај Радин кој е менаџер на српската пејачка Јелена Карлеуша ,полицијата пронашла околу 50 грама кокаин и околу половина милион динари.
Радин ќе биде спроведен на распит во Вишото јавно обвинителство во Белград, по што ќе бидат познати повеќе детали за овој случај, пренесува Нова.рс.
Новак Радин е познат менаџер кој покрај Јелена Кралеуша соработува и со други музичари од српската естрада.
Извор: Канал 5.
