Утрово во кумановскиот затвор К’шање животот си го одзел затвореникот Усеин Рашидов од Кочани.
Се работи за убиецот на Танкица Младеновска од Кочани, кој ја усмрти со 40-тина убоди со нож, а потоа беше осуден на доживотна казна затвор за ова дело.
Како што тогаш пишувавме, жената поминувала низ пекол, работела во текстилна фабрика и била принудена да зема кредити и да му ги дава на Усеин, кој ја уценувал со компромитирачки фотографии.
Убиената и се доверила на колешка на која и рекла „или ќе се убијам, или ќе ме убијат“.
Наводно, на самоубиство помислила кога Усеин и побарал дополнителни 5000 евра.
При убивањето, убиецот не избегал, туку останал и ја чекал полицијата.
