Во тие рамки денска, во Parking Art Gallery во Тирана беше отворена изложбата “Постојан експеримент” на истакнатиот ликовен уметник Генци Кадриу, Македонец од Голо Брдо, кој живее и работи во градот Фиер.
Изложбата ги обработува естетските елементи на македонската народна носија, инспирирана од носиите на ансамблот „Танец“, праисториска антика, керамички предмети, како и минијатурни скулптури.
За делата на скулпторот зборуваше и Сеад Казанџиу, потпретседател на Комитетот за национални малциства.
„Изложбата ќе биде отворена на 6 септември во 18 часот. Македонското друштво “Илинден”-Тирана, чија мисија е заштита на македонскиот идентитет и култура, ги повикува сите заинтересирани, љубители на уметноста, припадници на македонското национално малцинство и сите љубители на уметноста, да дојдат и одблиску да ги видат делата на уметникот Генци Кадриу, чие потекло е од селото Требиште област Голо Брдо, а живее во градот Фиер.
Кадриу има завршено високо образование на Академијата за ликовни уметности во Тирана во 1990 година, а покрај другите, негово познато дело е „Македонија“ уметничко прикажување на главните личности од македонската историја, изработено врз основа на историски материјали, моделирани во глина.
Како што самиот во една прилика кажа делото ја отсликува посветеноста на јазичното и културното наследство на неговото семејство, кое го вградил во комплементарното уметничко дело и оти „неговата поставка Македонија е рефлексија и на неговата посветеност на социјалните прашања, каде уметноста и културата ги обединуваат луѓето и народите.
Македонското друштво “Илинден“-Тирана ја поздравува рабтата на академскиот скулптор Генци Кадриу, со искрена желба авторот да ги реализира своите замисли, а публиката во Албанија и светот да ги погледнат неговите скулптури на лица и настани од историјата.
vesnik-ilinden.com
