Претседателот на Република Туркије, Реџеп Таип Ердоган, кој престојува во посета на Киргистан, е одликуван со „Орденот на Манас“ од прв степен, јавува Анадолу.
Ердоган престојува во Бишкек, главниот град на Киргистан, за 11. Самит на Советот на шефови на држави на Организацијата на туркиски земји (TDT).
На свеченоста во Претседателската палата, на Ердоган му беше врачен „Орденот на Манас“ од прв степен, од страна на киргистанскиот претседател Садир Жапаров, за неговиот придонес во развојот на стратешкото партнерство меѓу Република Киргистан и Република Туркије и зајакнувањето на пријателските односи меѓу народите на двете земји.
„Орденот на Манас“ е највисокиот орден на Киргистан. Орденот го доделува претседателот на Киргистан од 1996 година како признание за извонредниот придонес за Киргистан.
