Протокот на гас од Русија кон Европа продолжува да се зголемува, и покрај војната

0
372

И покрај нападот на Русија врз Украина, испораката на рускиот природен гас во Европа продолжува да се зголемува, јавува Агенција Анадолија (АА).

Според податоците собрани од дописникот на Агенција Анадолија (АА), испораката на природен гас на „Гаспром“ до Европската Унија (ЕУ) преку Украина на 1 декември 2021 година била на ниво од 109 милиони кубни метри дневно.

Пратките на „Гаспром“ од 1 јануари се намалија на 74,4 милиони кубни метри. Се забележува дека има зголемување на протокот на гас во Европа од 24 февруари, кога започна нападот на Русија врз Украина.

Според тоа, „Гаспром“ на 23 февруари преку Украина испратил 62 милиони кубни метри природен гас во Европа, додека на 25 февруари оваа бројка изнесувала 110 милиони кубни метри и на 26 февруари, 109 милиони кубни метри.

Сергеј Купријанов, претставникот на „Гаспром“, во изјава на 28 февруари рече дека испораките на руски гас во Европа преку Украина се во нормален тек, со просечни 100 милиони кубни метри дневно.

Текстот во целост на: Агенција Анадолија (АА).