Папата Франциск во неделата го отфрли руското тврдење дека се спроведува „специјална воена операција“ во Украина, велејќи дека земјата е погодена од војна.
„Во Украина течат реки од крв и солзи. Ова не е само воена операција, туку војна која сее смрт, уништување и беда“, рече папата во своето неделно обраќање пред луѓето собрани на плоштадот пред базиликата Свети Петар.
Сепак, како што беше случај во текот на 11-дневниот конфликт, папата јавно не ја осуди Русија по име за нејзината инвазија. Наместо тоа, тој го повтори својот апел за мир, создавање хуманитарни коридори и враќање на преговорите, јави Ројтерс.
извор/фото: Радио Слободна Европа
