Цените на храната и енергенсите се најниски во регионот, рече денеска премиерот Димитар Ковачевски одговарајќи на новинарски прашања по средбата со Сојузот на пензионерите на Македонија за усогласување на пензиите, објави ТВ 21.
„Ние успеавме да закупиме капацитети за овој период и крајот на февруари и во месец март. Очекуваме да имаме сигурна и стабилна испорака и на електрична, но и на топлинска. Меѓутоа мора да бидеме сите свесни и совесни сите по малку што би кажале народски, да го подметнеме грбот и да штедиме“, вели Ковачевски.
Затоа што периодот кој што претстои пред нас е неизвесен, не знаеме точно дали и колку ќе имаме на располагање од овие ресурси.
Домашното производство на струја е стабилно, а РЕК Битола и Осломеј работат со зголемен капацитет.
Енергетската криза може да потрае, може ќе биде за краток период, меѓутоа опасноста е да трае до крајот на годината, можеби и наредната грејна сезона.
извор: ТВ 21.