Србија треба денеска да ја тргне забраната за извоз на пченица во Македонија. Министерот за земјоделство Љупчо Николовски вели дека е во контакт со неговиот српски колега и очекува Србија да испорача 100 000 тони во земјава.
„Тргањето на забраната за пченицата, пченката, рафинирано и нерафинирано масло за јадење го потврдија сите чинители. Со српскиот министер за земјоделство цело утро комуницираме зашто одлуката е на дневен ред на денешната владина седница, а и нашиот премиер разговараше со претседателот Вучиќ. Забраната ќе биде тргната денеска и верувам дека веднаш ќе може да се реализираат сите договори на нашите компании со извозниците од Србија“, истакна Николовски.