Претседателот на Република Србија, Александар Вучиќ, при гостување во емисијата „Четврток во 9“ на РТС, им откри на граѓаните што се случило на небото недалеку од руската граница, кога авионот на „Ер Србија“ бил предупреден од руската конторла на летање да се обиде да идентификува помал авион што летал до него, а тоа бил воен ловец на НАТО.
Вучиќ објасни дека авионот на „Ер Србија“ имало воен ловец на НАТО, кој бил во рускиот воздушен простор.
Претседателот го прочита официјалниот извештај од вчерашниот лет од Москва за Белград.
Недалеку од руската граница со Летонија, руската контрола не предупреди, читам од официјалниот извештај, ни побараа визуелно да го идентификуваме авионот до нас. Авионот за кој стануваше збор беше воен ловец, потсетуваше „Еурофајтер“ во сива боја. Бидејќи како ќе пукаат Русите во тој авион ако има патници над него? Тој одеше во правец од лево кон десно, но без да ја загрози безбедноста на нашиот авион. Потоа брзо исчезна од видното поле – го читаше Вучиќ извештајот на пилотот на „Ербасот“.
Српскиот претседател додаде дека Србија ќе побара објаснување од НАТО за инцидентот.
