Француската телевизија ги објави првите проекции на резултатите, според кои актуелниот претседател на Франција Емануел Макрон ќе раководи со семјата и во наредните пет години.
Француската крајнодесничарска лидерка Марин Ле Пен го призна поразот од Макрон, откако проекциите покажаа дека тој има одлучувачко водство.
И покрај загубата, Ле Пен во нејзиниот говор во Париз рече дека „самиот резултат претставува блескава победа“. Резултатот од денешните избори ги надминува оние од пред пет години кога таа освои 33,9% од гласовите.
„Овде во Париз вечерва и насекаде во Франција и во странство, сакам да ви се заблагодарам. По пет години среќна трансформација и бројни предизвици, гласачите повторно ми ја дадоа довербата да управувам со Републиката во следните пет години. Сакам да им се заблагодарам на сите активисти и на сите луѓе кои ме поддржаа и го овозможија овој избор. Знам дека вложивте многу од вашата енергија и труд во овој напор. Сакам да им се заблагодарам на сите Французи кои ме поддржаа во двете кола. Ние сакаме независна Франција и силна Европа, сакаме Франција да биде зелена земја. Знам дека многу луѓе гласаа за мене не од убедување, туку за блокирање на крајната десница и сакам да им се заблагодарам и да кажам дека ја разбирам тежината на таа одлука и довербата што ми ја дадоа“, рече Макрон, рече Макрон во дел од својот победнички говор. од пред Ајфеловата кула.
Реизбраниот претседател своето обраќање го заврши со порака за тоа како ја гледа Франција и неговата работа во следните пет години.
„Следните пет години нема да бидат продолжение на она што го направивме во изминатите пет, туку ќе биде нов пат за сите нас, особено за младите. Секој од нас ќе мора да биде одговорен, посветен, затоа што секој од нас вреди кога не е поединец, тоа го има францускиот народ како сила што силно го сакам и почитувам и затоа ми е чест да служам еднаш повторно. Да живее Републиката! Да живее Франција“, заклучи реизбраниот претседател на Франција.
фото: TIME