НАСА соопшти дека најсилниот земјотрес регистриран досега на Марс е со јачина од 5 степени, пренесува Агенција Анадолија (АА).
Според соопштението на НАСА, „ИнСајт“, возило што ги истражува сеизмичките активности на Марс, на 4 мај регистрирал земјотрес со јачина од 5 степени.
Во соопштението се вели дека ова е најголемиот земјотрес регистриран на друга планета.
Се наведува дека тимот истражувачи продолжуваат со работите за откривање на епицентарот и изворот на земјотресот.
Истражувачите преку истражување на ваквите природни случувања имаат за цел да добијат повеќе информации за Марс.
„ИнСајт“ од ноември 2018 година, кога пристигна на Марс, досега регистрираше над 1.313 земјотреси.
извор: Агенција Анадолија (АА).
