Американската пејачка и актерка Барбра Стрејсенд, чии баба и дедо емигрирале од Украина во Соединетите Држави, вели дека разговарала со украинскиот претседател Володимир Зеленски и му ветила дека ќе донира пари на платформата „United24“, што Киев ја постави за собирање донации во борбата против Русија.
„Бев трогната од издржливоста и храброста на украинскиот народ и од неговото инспиративно лидерство“, напиша Стрејсенд во твитот придружен со слика на Зеленски за време на нивниот телефонски разговор на 22 септември.
„United 24“ е платформа поставена од украинскиот претседател Зеленски кадесе собираат добротворни донации за поддршка на Украина. На веб-страницата се вели дека донираните средства „ќе бидат префрлени на официјалните сметки на Народната банка на Украина и ќе бидат доделени на министерствата за покривање на најитните потреби“.
Радио Слободна Европа
