Најмалку 15 лица загинаа синоќа во бар во Русија во градот Кострома, на околу 300 километри североисточно од Москва, јавува агенцијата ТАСС, наведувајќи дека пожарот е можно да бил предизвикан од пијан маж кој испукал сигнална ракета.
Во првите извештаи гувернерот на таа област Сергеј Ситников преку Телеграм пренесе дека загинале 13 лица, а петмина се повредени и дека немало потреба од хоспитализација.
„Пронајдени се уште две тела, што значи дека сега бројот на загинати се искачи на 15“, соопшти агенцијата ТАСС, повикувајќи се на извори од службите за итни случаи.
nezavisen.mk