Припадник на бугарската „Гранична полиција“ е застрелан во заедничка полициско-воена патрола на границата меѓу Бугарија и Турција, во атарот на селото Голем Дервент, јави БНР, пренесе дописникот на МИА од Софија.
Граничниот полицаец починал на лице место, а војникот се повлекол и не е повреден.
На подрачјето на инцидентот веднаш биле испратени дополнителни патроли, но во близина не биле пронајдени илегални мигранти.
По инцидентот бил одржан состанок со турските гранични власти бидејќи се претпоставува дека сторителот бил на територијата на Турција.
МИА
