Водителот Џеј Лено се здоби со сериозни повреди откако експлодира еден од неговите автомобили, пренесе TMZ. Според таблоидот, Лено се наоѓал во гаражата во која чува колекција автомобили, а во еден момент дошло до експлозија.
Според Reuters, Лено се здобил со сериозни повреди на левата страна на главата, но за среќа не му се повредени окото и увото. Моментално се наоѓа во болница каде неговата состојба постојано се следи. Хоспитализиран е во болница за пластична хирургија во Лос Анџелес.
Откажани се сите негови планирани проекти и ангажмани.
Во соопштение, Лено наведе дека има сериозни изгореници од несреќата.
„Добро сум, само ми требаат недела, две повторно да застанам на нозе“, наведе тој.
Седумдесет и двегодишниот комичар поседува колекција од околу 286 возила, меѓу кои има мотоцикли и автомобили.
Тој е еден од најгледаните водители на ноќни програми во САД. Во 2015 година почна да води свое шоу „Jay Leno’s Garage“ на CNBC, а во 2021 стана водител на емисијата „You Bet Your Life“.
фото:
