Градоначалникот на општина Куманово Максим Димитриевски, информира дека денеска остварил средба со најмладата партизанка во историјата на НОБ од градот првоборец Цвета Андоновска.
„Денеска, гостинка во мојот кабинет беше Цвета Андоновска, најмладата партизанка во историјата на НОБ од градот првоборец, сестра на народниот херој Тоде Думба, која на 11 годишна возраст активно помагала и работела за движењето на отпорот. Имав прекрасна можност да слушнам изворни приказни за настани, акции и личности кои дале свој придонес во борбата против окупаторот, сведоштва од револуционерното минато со кое се гордееме, како и да разгледам примероци на „Наш весник“- Куманово од 1978 година, со фотографии и објави на оваа тема“, истакнува Димитриевски.
извор: Општина Куманово
