Денеска, во почетокот на вечерните часови, од паднато дрво од силен ветар беше попречен сообраќајот на улица „Загребска“ кон населбата „Козле“ во Скопје.
По пријавата на граѓани на 112 во ЦУК, Центарот за управување со кризи (ЦУК), преку Секторот за операции и координации веднаш ги информираше надлежните институции преку Регионалниот ЦУК Скопје.
За 20 минути, од координативното јавување од ЦУК, следуваше брза реакција на дежурните од ЈП „Паркови и зеленило“ од Секторот дрвореди чијашто екипа отиде на терен и пресекувајќи ги прво гранките го расчистија патот за движење на возилата, а потоа и околината од паднатото дрво.
