Полициски службеници од Единицата за насилен криминал – Одделение за крвни и сексуални деликти при СВР Скопје до ОЈО Скопје поднесоа кривична пријава против М.С. (26) поради основано сомнение дека сторил кривични дела обид за силување и полово вознемирување, по што од судија на претходна постапка му е одредена мерка притвор од 30 дена.
Веднаш по добиени пријави од 49-годишна жена дека машко лице на 26.02.2023 се обидело да изврши обљуба врз неа на Средно Водно, како и од 28-годишна жена дека машко лице на 04.03.2023 се обидело да изврши обљуба врз неа, преземени се мерки и активности за пронаоѓање на сторителот, по што М.С е приведен во полициска станица.
Тој ги признал делата, по што со кривична пријава е предаден на ОЈО Скопје и надлежниот суд кој му одредил мерка притвор.
извор: Архива
