Контроверзниот инфлуенсер Ендру Тејт излезе од затвор заедно со неговиот брат Тристан и ќе биде во домашен притвор до судењето, а од неговото ослободување веќе неколку пати се огласи на социјалните мрежи.
Тејт објави видео на Твитер како шета напред-назад во куќата.
„Од минатата година сум во 24-часовен карантин. Не ме пуштија ни во дворот. Одење во ќелија долга три метри без електронски уреди и контакт со надворешниот свет. Апсолутна чистота на умот. Вистински мисли, реални планови. Чиста болка“, напиша Тејт.
Since last year ive been in 24 hour lockdown. No yard time.
Pacing a 3metre cell with zero electronics or outside contact. Absolute clarity of mind. Real thoughts. Real plans.
Vivid pain.
One hour home and I cant stand my phone.
Some habits die hard.
We must defeat Shaytan. pic.twitter.com/Q6TBK5KTqU
— Andrew Tate (@Cobratate) April 1, 2023
Инфлуенсерот додаде дека по само еден час дома не можел да го издржи телефонот и завршил со пораката: „Мораме да ја победиме Сатаната“.
Браќата Тејт беа уапсени кон крајот на минатата година под обвинение за силување, трговија со луѓе и формирање организирана криминална група. Тие ги негираа сите обвинувања.
Протечените судски документи вклучуваат сведоштва на наводни жртви кои тврдат дека биле принудени да заработуваат 10.000 евра месечно на социјалните мрежи, под закана за физичко насилство, наведува Би-Би-Си.
Се наведува и дека долговите би ги искористиле како форма на психолошка принуда. Од април минатата година, кога започна истрагата, обвинителите собраа шест жртви.
Досега, меѓутоа, официјално не е покренато обвинение.
видео: TWITTER
