Преспанското Езеро, едно од најстарите езера во Европа и дом на повеќе од 2.000 видови риби, птици, цицачи и растенија, брзо се повлекува. Мештаните, кои зависат од езерото за егзистенција, стравуваат од она што следува.
Нивото на водата во Преспанското Езеро, кое се протега на границите на Северна Македонија, Грција и Албанија, сега е за повеќе од 8 метри пониско отколку во доцните 1970-ти. Локалните жители велат дека се плашат од она што доаѓа.
„Пораснав во ова село и сите дојдовме да скокнеме од оваа платформа во вода. Во 2018 година многу скокавме од неа. Игравме со топки и со се, но сега гледате дека ситуацијата не е баш добра. водата отиде“.
Екологистите тврдат дека несоодветните врнежи, испарувањето и прекумерното наводнување се главните причини за губење на вода.