Во следните десетина денови голема суша ќе ја зафати Македонија, што значи дека ќе бидеме под влијание на стабилна и сува воздушна маса. Утрата ќе бидат студени, а преку денот релативно топло (Мини лето).
До крајот на денешниот ден ќе дува засилен ветер од северен правец. Повремено и локално ветерот ќе биде силен (над 60 км/час).
Наутро температурите на повеќе места ќе се спуштаат под 10 степени, а во Малешевијата тие ќе се спуштаат во интервалот помеѓу 2 и 5 степени.
Следните денови ќе бидат исполнети со многу сонце, иако повремено ќе има појава на умерена облачност.
Максималните дневни температури пак ќе се искачуваат во интервалот од 22 до 28 степени, а за неколку степени пониски тие ќе бидат утре кога ќе се искачуваат во интервалот од 17 до 24 степени.
И во Скопскиот регион очекуваме слично време, утрата ќе бидат свежи, а преку денот релативно топло.
Уживајте во Мини летото и во следните десетина денови, иако наутро ќе биде студено, што е веќе нормално за овој период од годината. И секако доколку наутро излегувата, или одете на своето работно место, задолжително со себе понесете си потопла облека.
-најавува Попоски.
