Поплавени се и областите на брегот во покраината Мекленбург-Предна Померанија, каде патиштата се уште се затворени. Предупредувањето за бура останува во сила на целиот брег на Балтичкото Море и утрово. Сојузната поморска и хидрографска агенција сè уште очекува просечните нивоа на водата да бидат до 1,15 метри над просечното ниво.
33-годишна жена смртно настрадала кога нејзиниот автомобил бил погоден од дрво кое паднало во невремето на островот Фемарн. Од петокот бура од исток ја турка водата кон плажите и карпите на Балтичкото Море со удари од урагански сили.
Нивото на водата во градот Фленсбург достигна граница од 2,27 метри над просечната вредност – што последен пат е регистрирано пред сто години. Улиците и најголем дел од пристаништето се под вода. Општинските комунални претпријатија од безбедносни причини ја исклучиле струјата на делови од пристаништето. Се очекува денеска ситуацијата да се стабилизира. Првичните проценки на штетите се во трицифрени милионски суми.
DW
