Проблемите ги решаваме брзо и ефикасно. Со задоволство информирам дека од денес започнуваме со монтажата на новиот акцелератор Varian 6116 на Клиниката за Радиотерапија и Онкологија.
Деинсталацијата на линеарниот акцелератор стар околу 20-тина години која започна во август е завршена и направена адаптација и реновирање на бункерот.
Во првата фаза се предвидува физичка инсталација на системот, по која следат мерења,калибрации, моделирања на системот до конечно пуштање во употреба. Исто така се предвидува вршење на обука за работа до апаратот. Согласно предвидената динамика инсталацијата и останатите активности се предвидува да завршат за околу 3-4 месеци, по што истиот ќе биде пуштен во употреба, информираат од Министерството за здравство на РМ.
