Турскиот научен тим, кој патува како дел од 8-та Национална научна експедиција на Антарктикот, вчера стигна на островот Крал Џорџ на Антарктикот по 90-часовно патување, јавува Анадолу.
Тргнувајќи на 8-та Национална научна експедиција на Антарктикот, тимот, кој работи под Претседателството и Министерството за индустрија и технологија, во координација на Турскиот институт за поларни истражувања ТУБИТАК МАМ, тргна од Истанбул и реализира предизвикувачко патување долж рутата до 103-от степен на југ за четири дена.
Експедицијата тргна од Истанбул на 27 јануари со лет до Сао Паоло, Бразил. По четири летови од приближно 24 часа, покривајќи растојание од околу 13.800 километри, тимот стигна до островот Крал Џорџ на Антарктикот со околу два тона техничка опрема.
Следејќи го Протоколот за заштита на животната средина на Антарктикот, тимот на експедицијата ригорозно спроведе значајни мерки за да спречи внесување на неавтохтони организми на континентот. По слегувањето од авионот и стапнувањето на Антарктикот, тимот се погрижи за чистотата на нивните чизми користејќи раствор за дезинфекција.
-„Во нашата експедиција има и тројца средношколци“ –
Проф. д-р Бурџу Озсој, раководителка на првиот Турски центар за поларни истражувања (ITU PolReC ) и координаторка на 8. Национална научна експедиција на Антарктикот, за Анадолу изјави дека на четвртиот ден од нивното патување, од Истанбул, стигнале до Антарктикот. „На Антарктикот е сончев, но студен ден. Во моментов, 20 турски научници пристигнаа на Антарктикот, како и тројца средношколци.“
Истакнувајќи го активното учество на средношколците во проекти заедно со научниците на Антарктикот, Озсој, исто така, истакна дека дел од овогодинешната турска научна експедиција се и научници од Шпанија, Бугарија и САД.
Озсој спомена дека оваа година турскиот научен тим ќе работи на 22 различни проекти:
„Од 62 степени јужна географска широчина до 68 степени јужна географска широчина, турските научници ќе ги спроведат овие проекти во близина на островот Хорсшу. Нашите научни активности ги опфаќаат науките за земјата и животот. Овие студии ќе опфатат различни аспекти, меѓу кои и испитување на микропластиката, вулканско истражување и собирање примероци од доменот на науките за земјата. Понатаму, експедицијата ќе спроведе проценка и експериментирање на опрема развиена како дел од Националната технолошка иницијатива според условите на Антарктикот.
– Технологијата развиена од средношколците ќе биде подложена на реални тестирања –
Озсој истакна дека во тимот има и тројца средношколци кои биле први на натпреварот за поларни истражувачки проекти за средношколци 2204-C TUBITAK, и кои аплицирале за учество во експедицијата. Таа спомна дека „технолошката“ јакна што ја развиле тие ќе биде тестирана во условите на Антарктикот од страна на научниците од експедицијата.
„Оваа јакна всушност ќе ги мери параметрите поврзани со човековото здравје како што се отчукувањата на срцето и пулсот на научниците. Нѐ чека сеопфатно истражување во 8. Национална научна експедиција на Антарктикот“, порача таа.
– Најдобри желби од персоналот на Туркиш ерлајнс –
Во меѓувреме, кабинскиот персонал на летот на Туркиш ерлајнс што го однесе тимот, ѝ посака успех на 8. Национална научна експедиција на Антарктикот со пораката: „Професорке Бурџу и почитуван тиму: Задоволство ни е што ве придружуваме на вашето патување до белиот континент. Патот нека ви биде чист и успехот да е со вас во оваа важна мисија со која ја претставувате нашата земја“.
На крајот од летот, членовите на тимот на научната експедиција и екипажот направија заедничка фотографија за спомен.
Тимот планира да тргне на еднонеделно патување со брод од островот Кинг Џорџ прво до островот Дисмал, а потоа до островот Хорсшу, каде што се наоѓа привремениот научен камп на Туркије.
Извор:Анадолу.
фото:Анадолу.
