Луѓето што ме знаат, тие знаат дека мојот збор планина тежи. Ќе правам се додека сум жив неправдата да ја исправам, во овој момент сум немоќен. Ќе морам да ја кажам таа срамна придавка, изјави мандаторот Христијан Мицкоски на седницата за избор на нова Влада.
На обраќањето на собраниската седница за избор на нова Влада, Христијан Мицкоски, мандатар и лидер на ВМРО-ДПМНЕ рече „нападите кои ги слушам овие два дена генерално се сведуваат на две тези, прва е Преспанскиот договор и името, втора е Францускиот предлог и преговарачката рамка“.
-Тезата дека Преспанскиот договор сме викале една работа, сме правеле друга работа не само што е лажна и е срамна туку еве уште еднашка да ви појаснам ваков бугарски диктат под вакви околности додека сум јас премиер нема да помине и нема да има уставни измени, треба тоа да ви е јасно. Направивте грешка, таа грешка ќе го чини секој еден граѓанин во Македонија многу но најмногу ќе ја чини Македонија, зошто? Затоа што тогаш пред да влегувате во такви авантури требаше да седнете како што јас ви подавам вам рака требаше вие нам да ни подадете рака. Требаше да седнеме да разговараме тогаш ќе ви беше јасно дека таа работа е едноставно така како што вие или некој друг ја замислил едноставно не врви, рече Христијан Мицкоски, лидер на ВМРО-ДПМНЕ и мандатар за нова Влада.
