Косовскиот министер за одбрана, Арменд Мехај објави дека, со цел тесна координација со Меѓународните безбедносни сили во Косово, КФОР, по руската воена агресија врз Украина, утрово се сретнал со командантот на КФОР, генерал-мајор Ференц Кајар, јави дописникот на МИА од Приштина.
Мехај информира дека побарал поголемо присуство на трупите на КФОР во северниот дел на Косово, како и поголемо јакнење на неговиот контигент.
– Со генералот Кајар се согласивме да ја зголемиме координацијата меѓу институциите на државата и КФОР, како и да се зајакнат капацитетите и будноста на целата државна граница, напиша Мехај на својата страница на Фејсбук.
