Петков ќе го разреши министерот за одбрана – „Мојот министер за војна не може да го користи зборот „операција“

0
636

За време на вонредната изјава на Советот на министри,бугарскиот премиер Кирил Петков рече дека бара оставка од министерот за одбрана Стефан Јанев. Петков додаде дека за разрешувањето на Јанев ќе се расправа на вонредна седница на владата денеска, а ќе се гласа и на вонредна седница на парламентот утре.

Изборот ќе следува откако Јанев на социјалната мрежа Фејсбук, коментирајќи ја инвазијата на Русија над украина напишал дека на 200 километри од Бугарија се одвива „операција“. Тоа не било во склад со проевроспката политика на Бугарија.

– Ниту еден министер нема право на сопствена надворешна политика, особено на Фејсбук. Мојот министер за војна не може да го користи зборот „операција“ наместо зборот „војна““, рече тој за ситуацијата на Украина.

Петков посочи дека успешно соработувал со министерот Јанев во време на техничка влада, но во моментов сите коалициски партнери се едногласни за неговата оставка.