Телата на најмалку 46 мигранти се откриени во камионска приколка во Сан Антонио, во американската сојузна држава Тексас, што е еден од најсмртоносните инциденти во трговијата со луѓе долж американско-мексиканската граница, соопштија локалните власти.
BREAKING- We have several crews on scene where at least 20 people are reported dead inside a tractor trailer at Quintana Road & Cassin Road #KSATnews@LeighWaldman @ksatpattysantos https://t.co/nLbZhH1xaZ pic.twitter.com/xqC7mREmgh
— KSAT 12 (@ksatnews) June 28, 2022
Локалната противпожарна служба во Сан Антонио соопшти дека во камионот имало тела на 46 мигранти, а 16 луѓе биле пронајдени живи и однесени се во болница. Меѓу преживеаните има и четири деца. Шефот на пожарникарите, Чарлс Худ, изјави: „Пациентите кои ги видовме беа прежешки за да можеме да ги допреме, страдаа од топлотни удари.“
Во приколката на камионот немало вода. Според Худ, камионот бил всушност со ладилник за транспорт, но системот за ладење не бил вклучен. Вчера локалните метеоролошки станици измериле температури од околу 40 степени Целзиусови, при голема влажност на воздухот.
Најверојатно сите жртви, како што се вели, биле мигранти кои во САД влегле илегално. Мексиканското Министерство за надворешни работи соопшти дека се утврдува дали во случајот се вмешани мексикански државјани.
фото:TWITTER KSAT 12