Се наведува дека е започнат транспортот на белиот кит долг 4 метри, кој веќе една недела е заглавен во реката Сена, Франција, до Ламанш за да си ја врати добрата здравствена состојба, пренесува Агенција Анадолија (АА).
Според веста во француските медиуми, нуркачкиот тим од 24 лица, меѓу кои и експерти од жандармеријата, ги завршиле подготовките и го започнале процесот на транспортирање на китот.
Со поддршка на екипите, китот со камион на кој е вграден базен ќе биде пренесен во градот Уистрим, на Ламанш, во регионот на Нормандија.
– Процесот на трансфер има ризици –
Белиот кит ќе се чува три дена во средина со морска вода за да се набљудува неговата состојба пред да биде пуштен кон отворено море.
Властите соопштија дека процесот на преместување се спроведува прецизно бидејќи носи ризик од стрес на китот и може да предизвика негова смрт.
– Китот одбил храна, дадени му се витамини –
На китот кој е забележан во реката Сена во Франција на 2 август, дадени му се витамини за да преживее, бидејќи ја одбил понудената храна.
Состојбата на китот кој бил слаб и исцрпен, претходно била следена од експертите.
Властите претходно, исто така, имаа изјавено дека размислуваат за префрлање на китот во Ламанш, и покрај тоа што е ризично.
Сѐ уште не е познато зошто белиот кит, вид кој обично живее во студени води, се оддалечил толку далеку од своето природно живеалиште.
извор:Агенција Анадолија (АА).