Вук Бориловиќ (34), кој во петокот уби десет луѓе во Цетиње, е погребан на тајна локација, а на последниот погреб присуствувале само членовите на неговото семејство.
На погребот беа само мајката на Вук, Светлана, сестрата Александра и вујкото и братучедот.
– Не отидов лично. Мајката, сестрата и вујкото на Вук ги донел нивниот братучед. Не бил погребан ниту во Цетиње, ниту во селото Горич, од каде што е неговото семејство. Друга информација не можам да кажам – изјавила тетката на Вук Бориловиќ, пренесува Курир.
Таа јавно го осуди злосторството на нејзиниот внук.
– Никој не знае што се случило во неговата глава. Сега велат дека бил чуден пет дена пред злосторството, но семејството тоа не го знаело. Ако неговото потесно семејство забележало дека нешто се случува со него, мислам дека немаше да молчат. Не го гледавме толку често, работеше, а дојде и во селото да помогне – додава тaa.
24sata.hr