Нестабилно време, дожд и силен ветер и денеска нема да ја заобиколат Хрватска.
По вчерашното невреме, Метеоаларм денеска издаде предупредување за целата држава. Тој предвиде портокалово предупредување за Горски Котар, Лика и крајбрежјето, додека жолто предупредување за остатокот од земјата.
Европскиот систем за предупредување за невреме, Естофекс, издаде предупредување од второ ниво за подрачјето на северниот и јужниот дел на Јадранот, додека предупредувањето од прво ниво е на сила за остатокот од Хрватска. Тој предвидува обилни врнежи, силен ветер, град и можни пијавици.
– Во петок облачно ќе биде во Славонија, Барања и Срем со повремени врнежи од дожд, понекаде пропратени со грмежи. Локално за кратко време би можеле да наврнат над 30 литри на метар квадратен. Ќе има малку сончеви периоди. Повремено ќе дува умерен северен и североисточен ветер. Температурата на воздухот од 16 до 21 °C. – пренесе ХРТ.
24sata.hr